THE OLD GUARD

Kung naghahanap ka ng decent action film tonight, check the new Netflix movie THE OLD GUARD starring Charlize Theron.

Kuwento ito ng isang grupo ng mga immortal ('yung mga taong hindi namamatay at may sa-Wolverine sa pag-heal ng sugat sa katawan). Ito ay sa pamumuno ng century old at hindi tumatandang Ninang Charlize. May nadiscover ang grupo na isang female soldier sa Afghanistan na tulad nila at nirecruit nilang maging bagong member.

Kasabay nito, tinutugis naman ang grupo nila ng isang pharmaceutical company para pag-eksperimentuhan.

Tama ka rin ng hinala like me, si Enrile ang pinagbasehan ng concept.

CHAR.

Based ito sa superhero comic book kaya pala madaling intindihin at sundan ang kuwento.

Medyo predictable na ang plot at twist, lalo na ang ending nito. Nagawa na ng ibang pelikula. 

Ganunpaman, thrill ride pa rin siya. 

Mukhang mas maa-appreciate ko siya sa big screen. Mas bagay ito sa sinehan.

Hindi nga lang kasing aksiyon ng EXTRACTION ni Chris Hemsworth. Huwag nang mag-expect ng ganun. Ang mahalaga, entertaining siya.

Hindi ka madi-disappoint ni Charlize. Kahilera ito ng mga angas-angasan femme fatale movies niya. 

Kapantay nito ang AEON FLUX. Ganung promise.

Perfect para sa kanya ang role. 

VERDICT:

Tatlo't kalahating banga.

SURROGATES

May nadiscover na naman akong magandang sci-fi action movie.

Nabusog na naman ang aking sci-fi appetite nitong 2009 movie na SURROGATES starring Bruce Willis.

Set ang kuwento nito sa futuristic world kung saan usung-uso na ang mga remote-controlled humanoid robots (androids) na kung tawagin ay mga Surrogates. 

Mabibili sila ng mga tao at mako-control sa labas kahit nasa loob lang 'yung mga 'operators' nila. 

Parang uma-Avatar? Yes. 

Same sensation ang mararamdaman ng mga surrogates at operators nito. Pero, kapag nadisgrasya ang surrogates sa labas, safe naman si operator sa bahay. 

Nang dahil nga sa invention na ito, nabawasan ang crime rate sa buong mundo.

Isang gabi, merong dalawang surrogates ang pinatay sa labas ng bar. 

Nang imbestigahan ito ng mag-partners na pulis (Bruce Willis at Radha Mitchell), napag-alaman nilang kasabay rin ng mga itong namatay sa kanya-kanyang bahay ang mga 'operators' nito.

At isa sa namatay e anak pa mismo ng inventor ng surrogates.

Sino ang pumatay? O sino ang nag-utos?

Ayan ang iso-solve ng character ni Bruce Willis.

Kumo-conspiracy ba? Yes!

Kuma-cop story? Yes.

Hitik sa action? Yes.

May drama? Yes.

May chase scenes? Yes.

Nandito ba si Bea Binene? WALA!

Kasing level niya ang MINORITY REPORT at THE NET sa thrill. Para nga siyang mahabang episode ng BLACK MIRROR, actually. Tume-techno paranoia.

It's one of Bruce Willis' least popular movies, i know. 

At 37% fresh rating lang ang nakuha nito sa Rotten Tomatoes. Kinutya pa ng ibang critics ang predictable at poor script raw nito.

Naiintindihan ko naman. Kasi 2009 lang ito pinalabas (11 years ago). Nauna nang ipinalabas ang MINORITY REPORT, TOTAL RECALL, ROBOCOP at I, ROBOT na halos same mold lang nito.

At parang sophisticated version lang ito ng DISTURBING BEHAVIOR at STEPFORD WIVES.

Pero believe me, it's entertaining.

Watch for the escapist' fun of it. Pambarag lang ba sa mga Thai BL series at KDramas.

Wala siya sa Netflix ha. Na-download ko lang sa torrents.

VERDICT:

Tatlo't kalahating banga. 

RED WINE IN A DARK NIGHT

Kung 'di pa dahil sa Netflix, 'di ko malalaman na habang ang South Korea e pinagreynahan ang romcom, itong Thailand naman ay sa gay-themed movies.

Akala ko natapos na sa panahon ng LOVE OF SIAM, DRAGON LADIES at BEAUTIFUL BOXER ang pambaklang pelikula ng Thailand.

Di na pala ako updated.

Umusbong pa pala ang industriyang ito at mukhang normal na lang ito sa Thailand na parang teleserye dito sa atin.

Pero bakit parang hindi naman nag-ingay ang resurgence na ito?

Di ko naramdaman e im a sucker for foreign gay films.

Ah, alam ko na.

Sa sobrang dami ng Thai gay movies, mukhang bihira lang ang noteworthy o 'yung kasing-level ng LOVE OF SIAM.

Lahat, puro kingkingan levels. Pa-cute.

Tulad na lang nitong RED WINE IN A DARK NIGHT.

Tungkol ito sa broken-hearted na tukling na pinranked ng tropa ng kanyang ex-boyfriend sa abandoned building. Tapos, dun niya nakilala ang isang amnesiac na otoko na nangangailangan ng tulong. Pinakain at inalagaan niya ito.

At nagkatikiman sila.

Nagkainlaban.

Sino ngayon si amnesiac na otoko?

Naku, huwag mo nang alamin at hindi ganun kagimbal-gimbal ang twist.

Napakababaw.

Kung ang South Korean movies e merong pamatay na twist at substance, ang Thai gay movies e kasingbabaw ng pancit story ng batang pulubi.

Yun nga lang, may puso.

Or 'yun ang pilit na ina-achieved nitong mga Thai gay movies ngayon, 'yung merong hapdi at nag-uumapaw sa pagmamahalan na ending?

Nagiging melodramatic tuloy. Kumu-komiks na.

At alam mo ba kung bakit ganyan kaganda ang title?

Kasi WINE at DARK ang name ng dalawang lead sa movie.

Nakakatawa, 'di ba?

Skip button niyo na 'to at mas marami pang makabuluhang gay films kayong mapapanood.

Kinulang rin naman sa pakitaan ng flesh 'yung movie. Not worth your time sa tulad kong malibog.

Kaka-disappoint.

SWEET BOY

Ang first Netflix movie ko today e itong gay teen romance na SWEET BOY from Thailand.

Love Of Siam much?

Nope.

Jusko. High school kingkingan ng mga paminta na sinamahan ng tukling na bitchesa/kontrabida.

Parang gay episode ng Wattpad Presents!

Kuma-coming of age drama kuning-kuning pero ang bentahe lang naman e 'yung pink na utong ng mga bida.

Kung 'di lang sa mga masasarap na bagets dito, tatamarin na akong tapusin ito.

It's your ultimate gay high school fantasy kung saan nagkagusto sa'yo 'yung pinakabiyaw na maangas at 'yung pinakamatalinong guwaping sa klase.

Habang ikaw e pitimini sa pagka-virginal at pa-precious. Feeling sikip-sikipan.

Watch this if you're into twinks at mapapa-fingger ka sa kalagitnaan ng movie.

Pambarag sa pagkabagot mo sa mga serious Netflix movies.

THE INVASION

This quarantine season, so far, meron pa lang akong tatlong series at limang pelikulang napapanood. Mahina compare sa mga kakilala kong movie addict, oo.

Pero meron akong lagpas sampung torrents at Netflix movies na nasimulan pero hindi tinapos.

Kasi kapag hindi pa rin ako nahu-hooked sa first 20 minutes, nilalaglag ko na agad-agad.

Bakit?

Buryung-buryo na nga ako sa bahay e, pagtitiyagaan ko pa ba 'yung pelikula? Ano 'to, torture?

Maiksi ang pasensiya ko sa mga pa-precious na pelikula.

Sa paghahanap ko ng viral outbreak movie na hindi nakakatamad tulad ng iba, meron na akong natagpuang maganda na mairerekomenda ko.

Nag-palpitate ang suso ko dito sa suspense.

Itong 2007 movie na THE INVASION starring Nicole Kidman and Daniel Craig.

Based ito sa 1955 sci-fi novel na The Body Snatchers. At pang-apat na ito sa film adaptations (1956, 1978, 1993, 2007).

Dito sa latest version, nag-focus ang kuwento sa isang psychiatrist from Washington DC na may anak pero dibursiyada.

Nagkaroon ng alien virus sa lugar nila at unti-unting kumakalat sa buong mundo.

Ang virus ay naipapasa galing sa laway ng infected person at nagti-take effect kapag nakatulugan na ito ng nahawahan. Ang epekto, inaalisan nito ng emosyon ang mga tao.

Paano kung 'yung anak mo e nasa poder ng mister mo na pinaghihinalaan mong infected ng virus?

Nakahanda ka bang kunin siya para iligtas?

Paano mo maisasakatuparan ito kung kalat na kalat na ang infection sa labas?

Ganito ang struggle na hinarap ng psychiatrist na si Nicole Kidman sa movie.

Kailangan niyang mailigtas ang anak bago siya tuluyang makatulog at maging fully infected ng virus. Dahil ang anak niya ang susi sa vaccination at magiging cure sa virus!

Niyeta, 'yung nagpapanic ka na't lahat pero hindi ka nagpapakita ng emosyon para hindi mahalata ng mga infected na nagpi-pretend ka lang. Ganyan ang pinagdaanan ni Ninang Nicole sa pagligtas sa kanyang anak.

Bagay na bagay kay Nicole Kidman 'yung role. Tatak niya 'yun e!

Yung tuliru-tuliruhan pero kino-contain 'yung sarili school of acting.

Expect a roller coaster ride. Yung suspense e ka-level ng THE NET ni Sandra Bullock at NICK OF TIME ni Johnny Depp.

Kung sa sinehan ko lang ito napanood noon, naihi siguro ako sa upuan. Panic attack 'yung chase scenes e.

If you're looking for a good thriller, highly recommended ko ito.

Hindi kayo mababagot.

Mapapangiti kayo sa ending at baka mapaawit ng WE ARE THE WORLD sa tuwa.

Mukhang wala siya sa Netflix. Na-download ko lang siya sa torrents e.

VERDICT:

Tatlo't kalahating banga at ang nalusaw kong Addam's apple sa kasisigaw sa habulan scenes.

JUPIT

So far, natapos ko nang i-rewatch ang Top 10 favorite comedy movies ko starting from PRISCILLA: QUEEN OF THE DESERT up to MRS. DOUBTFIRE.

Yes, mostly gender-bender films siya.

Bigla kong naalala 'yung isang unpopular (at sa tingin ko, under-appreciated) pinoy indie gay comedy na nagpahalakhak sa amin ng mga beki friends ko noon.

Itong 2006 gay indie movie na JUPIT, idinirek ni Alvin Reyes Fortuno.

Bida si Ate Gay. The rest, puro mga starlets. Pati 'yung gumanap na nanay niya, parang tindera ng leche flan sa palengke.

Napanood lang namin 'to sa pirated DVD noon e after ng nomo session naming mga bakla sa bahay.

So hindi kami nag-expect na maaaliw kami.

Punyeta, it ended up as one of my favorite pinoy comedy movies.

Napahalakhak kami, napaubo at sumakit ang tiyan namin sa katatawa!

Yung beki humor ng mga baklang kanal sa barangay, kuhang-kuha ng pelikula.

Yung kung paano lumandi ng boylet, rumampa, bumooking, makipagwarlahan sa pechay, captured na captured ng movie.

Ito 'yung gay comedy na hindi nagpupumilit na nagpapaka-beki or nagsusumigaw na 'Vice Ganda material ito!'.

Baklang-bakla talaga 'yung movie. Napakanatural. Hindi pretensiyosa.

Wala ring makapal na storyline 'yung pelikula. Mababaw pa nga siya, actually.

Kuwento lang ito ng isang baklang parlorista na nagpatayo ng parlor sa barangay. Kung paano siya nagreact sa bagong lipat na boylet sa harap, sa ex-boylet niyang bumabalik, sa pamilya niyang umaasa sa kanya at sa grupo ng beki friends niyang may kanya-kanya ring pinagdadaanan sa buhay.

Mostly, landian at okrayan 'yung movie na merong sundot ng kadramahan between gay actors na feelar na feelar ang pagiging aktres sa pelikula. Kaya aliwan paradise siya.

Kung na-captured ng HIKBI ang kapokpokan moments ko, itong JUPIT naman e ang funny moments ko with beki friends. Ganun siya.

Ito 'yung humor na in-achieved ko sa self-published book kong #BEKIPROBLEMS noon e. Ito ang pamantayan ko ng gay comedy.

Ninakaw yata 'yung nabili kong original DVD nito e o hindi na sinauli ng baklang nanghiram. Punyeta siya.

Hindi na rin siya available sa lahat ng Astro branches, chinecked ko. Pati sa online, wala na ring nagbebenta.

Sino may copy nito? Pahiram naman ako. Ibe-burn ko lang. Or kung ibebenta mo, willing akong bilhin kahit doblehin mo 'yung original price niya.

Para siyang komedyante kong kaibigan na nagpasaya sa akin noon at nami-miss kong makita.

VIVARIUM

Ang VIVARIUM ay isang pinahabang episode ng TWILIGHT ZONE with a very satisfying ending. Or ito ang TWILIGHT ZONE The Movie.

Kuwento ito ng magkarelasyon na naghahanap ng bahay para makapagsimula. Ang kanilang simpleng pag-inquire sa isang real estate agent ang naging daan para sila ma-trapped sa isang utopian village.

Kung saan, sila lang dalawa ang residente.

Makakalis lang raw sila dun kung aalagaan nila at palalakihin ang sanggol na bigla na lang dumating sa tapat ng bahay nila.

Gustung-gusto ko siya!

Mystery/Horror na sume-semi 'mystery box', 'yung storytelling style na pinauso ni JJ Abrams kung saan nagpe-present siya ng mystery na papatungan pa ng isang mystery ngunit madamot sa pagbibigay ng explanation o kasagutan para ma-solved ito. Sa huli, mapapa-"What The Fuck?" ka na lang sa pinanood mo.

Kung pamilyar ka dito, ma-aappreciate mo 'yung movie.

At sa tulad kong mahilig sa horror, mystery at sci-fi, dig na dig ko 'to. Masasakyan ko ang pelikulang about parallel universe, alternate reality, ibang dimensions kuning-kuning or 'yung may pa-Rabbit Hole basta hindi magulo ang pagkakalatag ng kuwento tulad nito.

Hindi ito kasing complex ng IN THE TALL GRASS kaya masusundan ito ng karamihan.

Makakarelate ka pa ng bongga dahil ang magkarelasyong bida dito e parang naka-quarantine sa iisang bahay sa buong pelikula. Masasakyan mo ang pagkaburing ng dalawa.

Basically, it's a story about relationship. The couple's struggle, kung paano nila ito hinarap at kung paano nila ito napagtagumpayan. Or napagtagumpayan nga ba nila?

Ganun lang kapayak na pinresent ng writer at director ang story with M. Knight Shyamalan's treatment.

Yun ang pumasok sa radar ko. Kung meron kang ibang interpretation, mas malalim kang tao sa akin.

Subjective naman sa tingin ko ang movie. Nagkakatalo lang sa level ng pagkakaintindi ng nakanood.

May isa lang continuity error or problema sa editing na napansin ko (balikan mo ako if napanood mo't napansin mo rin ha). Maliit na bagay pero medyo na-bothered lang ako.

Naipalabas pala ito sa Cannes last year.

Pero wala ito sa Netflix ha.

Dapat iri-release 'to sa US cinemas kahapon pero because of Coronavirus, diretso sa video-on-demand/digital/streaming na lang siya.

Downloadable na siya sa torrents.

VERDICT:

Tatlo't kalahating banga.